هاي الطريقة هي أحسن طريقة عشان حفظ ورق الدوالي لموسم الشتاء، لما ما يكون فيه ورق دوالي نكون مخزنينها بهاي الطريقة، ولما نطبخ الدوالي كأنه هسع ملقطينها.

الطريقة: نجيب مرتبان (الكزاز) ونحط ورق الدوالي فيه، تكون الورقة مفرودة، نصفطها ورقة فوق ورقة، ونظل نحط بالمرتبان لما يتعبا، بعدبن بنسكر المرتبان كثير كويس، ونشد الغطا، بعدها نحط طنجرة على الغاز فيها مي، ونحط مرتبان الدوالي فيها لما تغلى المي أول غلوة نطفي الغاز، ونترك المرتبان بالمي الساخنة لمدة (15) دقيقة، يصير لون الورق أصفر، بعدها نقيم المرتبان ونحطه بخزانة المطبخ.