لما نشتري العنب الأسود والأبيض على شان نعمل النبيذ، الحبة اللي فيها كسرة بنقيم الكسرة اللي بيها لأنه باقي حب العنب بيكون مليح أو ذايب كثير، بنقيمها على جنب وما بنكبها، العنب معروف ما بنكب منه شي غير الحبة الخربانة على الآخر، ونتركه عشرة أيام حتى يفور، وبعدها بنخلطهم على الخلاط أسهل وأسرع، وبعدها بنرجع بنحط العنب في المرطبان وبنخليه بالشمس، وبنزيد عليه المي حسب كمية العنب، وبظل أربعين يوم بكون المرطبان مفتوح للهواء والشمس عكس النبيذ، ما بنخلي يقربه نقطة مي ولا هواء لما يتخمر، وبعد هيك بيصير الخل من فوق، والورش بقاع المرطبان بنصفيه من الورش بمنخل أو مصفاية ناعمة، بيصير لونه أحمر بشبة النبيذ، وبعدها بنحطه بقزايز ونستخدمه للسلطات، في كثير ناس بحطوه على لحمة الشوي، وممكن نستعمله لتنظيف الجاج من الزنخة، ولتلميع أثاث الخشب، وفرك السجاد والقطع الثمينة من أثاث الخشبية.