بتتكون من اللحمة المفرومة الناعمة، وبقدونس وبصل وبندورة وبطاطا، والبهارات وفلفل وملح وسمنة، بنحط اللحمة المفرومة بجاط، ونفرم البقدونس والبصل على اليد فرمة ناعمة كثير، وبنحطهن فوق اللحمة، وبنحط البهارات والفلفل الملح وبنعجنهن منيح بالجاط، وبعدين بنجيب صينيه تفيال أو الألمنيوم أو بايركس، بندهنها بسمنة وبنفرد اللحمة المعجنة بيها، وبنكون غسلنا البندورة وفرمناها على شكل دوائر، ونقشر البطاطا ونفرمها على شكل دوائر، وبنصفطهن فوق اللحمة، ممكن نحط ورق الغار عن زنخة اللحمة، وبنلفها بالقصدير ونحطها بالفرن، أول شي يكون حامي، وبعدين بنوطيه على بين ما تستوي اللحمة، ونقيم القصدير وبنحط الصينية بالطبقة الفوقا على بين ما تتحمر، ممكن نبدل البندورة بالطحينية، بنقدمها بنفس الصينية، وبنحط بجنبها سلطة وزيتون ومخلل خيار ولفت أو فقوس.