تعتبر من أنواع الحلويات الشعبية القديمة، وهي تعتبر من الحلويات الرمضانية، حيث أن الناس بتفضل أكلها في رمضان، وهي لذيذة جداً، حيث تعطي الطاقة لجسم الإنسان، وخاصة الصائم، وتنتشر في جميع مناطق البلقاء.

المكونات:

العجينة: 3 أكواب دقيق، ربع ملعقة صغيرة بكنج باودر، نص كوب سميد، ملعقتين صغيرة خميرة فورية، رشة ملح، ملعقة كبيرة سكر، ثلاثة أو أربع أكواب مي، نص معلقة صغيرة ليمون، نص معلقة صغيرة بيكربونات الصودا.

الحشوة: قشطة أو جوز مع سكر أو تمر أو جبنة بيضاء حلوة، حسب الرغبة، وزيت مازولا للقلي.

ممكن نجيب العجينة جاهزة من الأفران، وممكن احنا نعملها من قبل ونغلفها، بس ما لازم نحطها في الثلاجة.

الطريقة: أول شي بنحط المي، ونشغل الخلاط، ونضيف الدقيق شوي شوي، بعد ما نخلص الدقيق بنحط سميد شوي شوي مع الخميرة وملح وسكر وبكنج باودر، بعد ما تصير الخلطة سائلة وخفيفة نتركها حتى تتخمر، وإذا صارت كثيفة بنحط فيها الليمون وبيكربونات الصودا ونضيفها فوراً لعجينة القطايف، هيك العجينة صارت جاهزة حتى نسكبها في صاج أو مقلاية ساخن، وما نرفع دوائر القطائف عن النار إلا بعد ما ينشف وجهها الملاصق للصاج أو المقلاة.

طريقة الحشوة: بنقوم بحشي القطايف بأي نوع بنحبه، وبنسكرها من أطرافها، وبنحاول نعمل لكل نوع علامة، ونقليها في الزيت الساخن، وممكن أن تفرز منها في الفريزر وبنقلي منها في أي وقت.