عادات الولادة

تتميز عاداتنا بعد الولادة، (بتيجي) أم الوالدة وأخواتها وقريباتها وزوجها .

أول (اشي بيجي بملحوا) الطفل، وبعد (هيك بحمموه)، وبعد الحمام يدهنوه بزيت زيتون، وفي بعض النساء (بكحلوا) الطفل على (شان) يوسع عيونه، أما بالنسبة للأم، (بيهتموا) فيها أول ما توصل بيتها، ويعملوا لها شوربة فريكة حتى ما يصير معها إمساك، وحتى يصير عندها إدار للحليب، وبالإضافة خلال أيام النفاس يعملوا لها بعض الأكلات مثل المعاليق، و(عجة) البيض بالسمن البلدي، وحلاوة بالسمن البلدي .

وبعد كم يوم من ولادتها، (بنعمل) قهوة المباركة، و(بينعزم) فيها الأقارب والجيران والأصدقاء، و(يتقدم) فيها القرفة بجوز، والقهوة السادة، والحجاجة أو (المطبقينيات)، ومن عاداتنا إنها تظل المرأة في بيتها حتى تكمل  الأربعين يوم حتى ما تمرض.