الحمل

كانت (المرة) لما تحمل ما (حدا) يعرف عنها بسرعة، و(بتستحي) تخبر أحد إلا لما يكبر بطنها، وما كان في لا دكتور ولا مستشفيات (عالسبحانية)، وكانت تروح تشتغل وتحصد و(تغمر) وترعى، وتجيب (مي) وحطب، وتحلب ولا كأنها حامل.

(بدي احكيلكوا هالقصة):

كانت خالتي حامل، وزوجها مزارع، وخلفت خالتي وهي بالمزرعة تلقط خيار، وكانت المزرعة قريبة من بيت جدي أبو أمي، راحوا ينادوا جدتي من الدار (عشان) تقطع (السر)، وأخذت قطعة قماش (عشان) تلف فيها (العيل)، وبعد (هيك) صاروا ينادوا (البنت)  أم خيارة .