فنجان الجاهة/  فنجان الطلبة:

(لما تتسمى جاهة طلبة العروس بتكون مكونة من كبار وصغار وشباب، ورجال ونسوان وبنات، بعد ما توصل الجاهة لعند بيت العروس ينقسموا الرجال عن النسوان، يدخلوا الرجال على البيت، وبعد التسلم والترحيب يقوم واحد من المعزبين بصب فنجان من القهوة وإعطاءه الشخص اللي بشوفه أكبر واحد بالضيوف، إذا تم إعطاءه فنجان القهوة لشخص غير الشخص اللي محددينه لطلب العروس يقوم هذا الشخص بإرشاد صباب القهوة على الشخص اللي بده يطلب العروس بقوله "هنالك عند أبو فلان أو أعطيه للشيخ ابو فلان" وبتصير تنازلات عند الطلب بقولهم "لا ولله أكبر مني قدرا وعمرا أنت من عمام الولد أو خواله أنت أقرب"، ويتفقوا، وبقوم الشخص المحدد ويطلب العروس من أهلها، ثم يقوم شخص محددينه أهل العروس وبرد على الشيخ الذي طلب العروس من أهلها وبحكيله شوي عن الشرف الذي بفتخروا فيه لأنهم يعطوهم بنتهم ويكمل كلمته يقول "اشربوا قهوتكوا وألف مبروك علينا وعليكوا"، ثم تصب القهوة السادة لكل الموجودين، وتوزع الكنافة والعصير، وتبدأ النساء بالزغاريد وببدوا الأغاني).