(الطلبة)

(هاي الطلبة لما النسوان، أم العريس تختار العروس، أو عجبتهم العروس، يروحن وتتفق أم العريس مع أبوه عشان يروحوا يطلبوها من أبوها، لما تتفق أم العريس مع أبوه ترد أم العريس خبر لأهل العروس وبحددوا يوم عشان لازم يروحوا يطلبوها، لانو النسوان شافن البنت وافقت على اختيار العريس).

(ويجي أبو العريس بحكي مع كمن واحد من العيلة، زي جاهة، أربعة خمسة زلام وجوه العشيرة، يروحوا على أهل العروس، وأبو العروس وإخوانها وعمامها وخوالها يستقبلوهم).

(ويقعدوا ويصبوا القهوة وبيحكوا لأهل العروس جايين نطلب لابنا طلب رسمي، طلبة يعني رسمية، ويقرأوا الفاتحة على نية التوفيق، بعدها يقول أبو العريس لأبو العروس أعطينا يوم للتحديد فيه حضور الجاهة).

(وكما بالطلبة، في ناس يحددوا مهر، لأن زمان مهر الوحدة قطعة أرض، أو ليرة ذهب أو بقرة أو عنزة، أما أغلبية ماحص معروفة، ثلاثة آلاف ذهب، وخمسة آلاف متأخر، هيك الأغلبية، وفي ناس يحدد المهر بالجاهة، وبالوقت هذا لما النسوان يختارن عروس وعجبتهن، بحكوا مع أم العروس عشان يجن يوم ويقعد العريس مع العروس ويشوفها، ويحكوا مع بعض، إذا عجبها العريس أو هو عجبته، يرجعوا يوم ثاني يجيبوا الطلبة الزلام، قبل كان ما في الشب يقعد مع البنت، نسوان يختارن ويطلبوا يوم الخطبة أو كتب الكتاب، أو جاهة تشوف العروس).