طريقة ذبح الذبيحة:

(بيجي واحد من العيلة فهمان بطريقة ذبح الذبائح، بقوم بجر الذبيحة على المكان اللي بدو يذبح فيه الذبيحة، وبكون مجهز السكين والقطاعة وحجر الجلخ والمبرد، وبجهز علاقة الحديد عشان يعلق الذبيحة عليها، وبعدين بجيب الذبيحة اللي بدو يذبحها وبعرض عليها الأكل والمي، وبيبطح الذبيحة على جنبها، وبكون اتجاهها على القبلة، بمساعدة واحد بقضب اليدين والرجلين، وبرجع رأس الذبيحة لورا، وبحط السكينة على رقبة الذبيحة وبقول "بسم الله، الله أكبر"، وإذا قال "بسم الله الرحمن الرحيم" لا تذبح، "لأنك رحمتها"، وبسنها ويتركها عبين ما يتصفى دمها، وبيخزق خزق برجلها اليمين وبنفخها وهي على الأرض، ويبلش الصلخ عبين ما يقبع الجلد عنها من مرة، وبعدين بيصطحها من النص من جهة الصدر وحشوة بطنها (الكرش والمعلاق) و(الطرفان)، وهو بكون بطول بيهن بيكون تغسل فيها من جوا، وبعدين يقطعها).