الجاعد هو جلد الخروف بعدما (يصلخونه)، بعد الذبح يأخذنه النسوان ويغسلنه، وقبل ما يأخذنه لازم وهم (يصلخونه) ما (يخزقونه)، ويقيمون كل الشحم والدهن اللي عليه، ينظفونه ويقصون منطقة الراس واللية، (بس) يأخذنه النسوان يغسلنه ويرشن عليه من (جوا) ملح و(شبة) ودباغ (عشان تروح ريحته)، ويسد وما (يدود)، و(يخلنه) مدهون 3-4 أيام، وبعدين يغسلنه عن الملح ويحطن عليه لبن رايب يدهننه من (جوا عشان) يصير (طري)، ويخلنه مدهون 3-4 أيام، وبعدين يغسلنه عن اللبن ويغسلن صوفه ويمشطنه بـ(المشاق) اللي هو مشط قاسي كبير، والجاعد يحطونه الناس عند الدلال والقهوة (عشان) يقعد عليه القهوجي، ويحطونه على أطراف الفراش عشان يقعدون عليه، ويفرشونه تحتهم وينامون عليه لأنه ناعم ودافئ، والخروف اللي يأخذون منه الجاعد لازم يكون صغير، كلما كان أصغر يكون صوفه أطول وأحسن وأنظف.