مثل ما الكل عارف ان البدو حياتهم كلها رحيل ونزيل ينتقلون بالبرية عشان الما والعشب وكان البدوي لما ينزل من الرحيل يفضل المكان اللي به ناس يتونس بهم

ويحط رحيلو بمكان يسمونه (المراح) وعادة ينزل على عرب ثانيين يعني جيران ولما ينزل على جيران يقوم جاره يذبح له ذبيحه يسمونها (النزاله) والسبب بالتسمية من النزول يعني تحل في مكان معين يقوم الجار المستضيف بذبح شاه من حلاله ويعزم عليه جاره الجديد وعايلته على الطعام وثاني يوم يقوم النزيل الجديد برد النزاله يعني بذبح ذبيحه ببيته  يرد ذبيحه جاره ويعزم جاره اللي سواله النزاله على الغدا او العشا وهذا عند البدوي تعبير عن الكرم وحسن الجوار واحترامه .