غراز الغنم يعني انتهاء موسم الحليب، يقولون : النعجه غرزت يعني بطّللت تحلب (أي توقفت عن انتاج الحليب ).

في بداية الموسم تحلب الغنم مرتين باليوم صبح ومسا ، ومع مرور الوقت يقل الحليب ويصيرون أهل الحلال يحلبونه مرة باليوم .

في نهاية الموسم بعض الغنم تغررز لحاله اما بعض الغنم تظل تدر (تبقى تنتج حليب ) وهذا النوع من الغنم اذا ما يحلب ممكن يسبب اذى للضدع والتهابات وممكن يتعطل الضدع ولذلك يقوم اصحاب الغنم في اخر الموسم بمحاين الغنم (المحاين يعني مباعدة فترات الحلب الغنم حتى تغرز تدريجيا )..

بالبداية يحلبون الغنم يوم ورا يوم يعني يوم تحلب ويوم لا ، وبعد مدة تحلب كل ثلاث أو اربع ايام مرة وبعدين ممكن تترك اسبوع وتحلب وبذلك تغرز دون اضرار .

حليب الحينه ممكن يصنع منه السمن والمريس يخض(بمخض) وينتج منه السمن والمريس (الجميد) ولا يشرب طازجا .

اما يوم تطول مدة الحلب ،يعني يوم تحلب الغنم بعد اربع ايام مثلا فلا تستخدم حليب الغنم لأنهم يعتقدون انه غير صالح للإستهلاك .

غالبا يكون غراز الغنم في نهاية شهر تموز .