المعروف عن الجاهة إنها عادة إجتماعية توارثناها عن آبائنا واجدادنا ومعروف إنه الجاهة انها تحل كثير من المشاكل ومن هاي المشاكل اللي هي مشاكل بين المتزوجين الا ما يصير مشاكل بين المتزوجين وأحيانا كثيرة المشاكل توصلهم لطريق ثاني وبهاي الحاله تزعل المرة من جوزها وتحرد وتطلع من بيتها على بيت أهلها عشان يردولها اعتبارها .بهاي الحالة إذا فكر الزوج انه يرجعها أو (يردها) ما يروح يرجعها لحاله لازم ياخذ معه جاهة عشان يرجعها عشان قيمتها وقيمة اهلها وقدرهم والجاهة تكون أكثر وجاهة يجيب فيها كبار العشيرة شيخ العشيرة وكبارها ويتدخلو ويصالحو الزوجة واهلها مع الزوج وتتكون الجاهة كمان من قرايب العريس وأبوه واخوانه يروحو على بيت أهل الزوجة وما يشربو قهوتهم الا لما يعطوهم كلمة انه رح يرجعوها لجوزها