لما يجتمع الطرفين عند القاضي ويعين كل طرف كفيله ويعلق الرزقة بين القاضي وبالأغلب تكون القضوة بعد العشا او الغدا بعدها يفتح القاضي بحال الكلام بالمشكلة ويقول القاضي للطرف البادي : استبدي يا فلان بعدها يقوم كبيرة او لسانه يقعد قدام القاضي ويبدا الحجة بتحية القاضي

يقوم القاضي برد التحية ويقول المتحدث بالأغلب الكلام هذا ( جيتك هدي قدي ما تنقضي الحاجات غير بالصلاة على النبي ) فيعلي القاضي بالصوت والصلاة على النبي ويقول المتحدث:

ايش قولك ياقاضي العرب بافكاك النثب في هالرجل الي من عماه واساه وقلة هدا ضرب وليدي وهو ساهي ولاهي لاحاشي ولا ناشي ولا حته في ردية واله اني يوم دنيته وع فراشك ثنيته وحطيته بين ساق ودليل وعزمت عليه اللزم والكفيل اني اقول انك تعزيه وتجرمه وان داخل على الله وعلى النبي وانا ودي السلاك ولا طالب هلاك وكانت انت تقول انه له الحق يضرب العيل احطها في جريان وادير بيها العربان واقول هذي قالها فلان) ةيختم الحجة بقول (حجة رجل بليم عند رجل فهيم).

ثم يطلب القاضي من الطرف الثاني يعد حجته ويقول مقربه تقريبا زي قعدت خصمه ويعطي البرهان على براءته ويجيب الشهود وينهي الحجة.

ولا يجوز لا احد ان يقاطع المتحدث الى ان يخلص حجته ويحق للمجتمع الاول ان يضيف على حجة الطرف الثاني او يوضح بعض الامور.