صوم رمضان فرض وواجب من رب العالمين على الناس وهو شهر الرحمة والغفران أفضل شهور السنه عند الله عز وجل وأله طقوس كثيرة ويتميز بأنه شهر الخير والبركة لأنه يتبارك فيه الرزق .

طبعا قبل حلول الشهر بأيام ينزل الناس ع السوق ويجيبو كل الاحتياجات من طحين سكر وسميد وبقوليات وكل اللوازم الضرورية وأكثر شي يميز الشهر الفضيل التجمعات العائلية بأنه يتجمع الابناء والبنات والاحفاد وطبعا يشغلو وقتهم طول اليوم بقراءة القرآن والتسبيح والصلاة وكمان شراء الخبز والعصير والحلو وإنتظار أذان المغرب أو ضرب المدفع أو عند وقت الفطور يتسارعو الناس على بيوتهم عشان يلحقو وقت الفطور وطبعا بعد الفطور يقضوها بالجلسات العائلية وأكل الحلو والتسلية مع الجيران والقرايب هيك لحتى يجي وقت السحور اللي اله مائده خاصه أحيانا تكون شبيهة بوجبة الفطور وبعد هيك يستنو اذان الفجر عشان يصلوا وينامو هيك لليوم اللي بعده .