البدو عندهم عادات في التطير والخوف من عروض فلان وعلان فبعضهم اذا شاف احد الاشخاص في الحلم لا يتحرك ثاني يوم من بيته خوفا من الشر .

ويقولون عروض فلان مهو زين وبعضهم اذا لاقى واحد من اللي يجمعون على ان عروضه مهو زين يرجع من الطريق وما يكمل مشواره .

ويتطير البدو بنعيق (أم طوط) وهي نوع من الطيور ولا ادري اذا كانت هي نفسه البومه فيقولون عن صوتها (نفير).

فإذا نفرت شمال (باتجاه الشمال ) تاخذ عقال يعني راح يموت رجل في المنطقة واذا نفرت قبله راح تاخذ (قذله) اي انه راح تموت امرأة من المنطقه .

ويتطير البدو من الاكل بملعقة الطعام التي يطبخ فيها ويسمونها (المسواطة) .

ويبعد البدو عن اللون الاحمر بمفروشاتهم ويتجنبونه تطيرا من لونه وشؤمها .

وكانوا اذا سمعوا نعيق البومة يسرعون الى ضرب النحاس لابعاد الشؤم ويرددون ما عندنا غير اكّال العيش عايش واللي بالرسع هايش.