بعد ما تلد الولاده يجن النسوان يزورنها وكل وحده تجيب معها نقوط اللي الله يقدرها عليه اللي تجيب بيض اللي تجيب رز اللي تجيب سيرف او صابون واللي تجيب قرش او خمس قروش او عشر قروش واللي تجيب ذراع قماش وكل حلو العرب حلاوه سطول حلاوه يكون ابو المولود   جايبها ومحضرها قبل ما تلد او بعد ما تلد

الصبح .يجن النسوان يدونن ويشربن قهوة وياكلن سمن وحلاوه وخبز ويسون للولاده قرص عجه ويغيرن للعيل ويلفنه ويحطن بين اجريه حرث اللي تكون امه مغربليته من بيت الخلند تراب احمر نظيف عشان العيل ما يسمط ويكحلونه وينيمنه

واللي تجيب نقوط ذراع قماش وعشر قروش هاي اخت اختها ما تطلع الابذبيحه كونه ذراع القماش اله قيمته

وابعض النسوان يطبخن رشوف ويحطن عليه شوية سميد ويجيبنه للولاده وكل ضيفه الها ينحط قدامها سمن وحلاوه وخبز