القهوة:

 ادوات القهوة (معاميل) الى هي الدلال، البكرج،  الطباخ،  المهباش، الفناجين، المحماسة، موقد (مصدر نار) المبردة.

بنحمس القهوة بالمحماسة ، للمحماسة  يد للتحميس بعد ما نحمسها على النار والنار تكون هادية وتؤخذ القهوة لونها ما بين الشقار والسمار

توضع القهوة بالمبردة وتبرد، بعدين بنوخد كمية( حفنة) وبنحطها بالمهباش وبندقها لما تصير خشنة ومش ناعمة كثير.

بتكون المي غلت بالطباخ بنحط فيه القهوة المدقوقة بالمهباش بكمية معقولة

 وبتبلش غلي على النار بنراقبها حتى ما تفور لما توخذ لونها القريب من الشقار والسمار.

بنحطلها الهيل اما حب مطحون او مثل ماهي الحبة بنتركها حتى تركد وبنوخذ منها بالبكرج وبنصب للضيوف.

عادات القهوة:

بنصب القهوة على اليمن ل ابو زيد على الشمال قص والشاي خص.

والعادة هاي صب القهوة عن اليمين لرفع الحرج عن المعزب.

من العادات الطيبة انو المعزبين يكرمو الضيوف ويبدوهم على انفسهم والضيوف يكرمو شيخهم او كبيرهم.

بقوم المعزب وقدام الضيوف بشرب الفنجان الاول حتى يطمن على سلامة القهوة، ويطمن الضيوف بنظافة القهوة.

يصب الفنجان الاول للمعزب ويسمى فنجان الهيف وفي مناطق اخرى يكون الفنجان الرابع فنجان الهيف.

الفنجان الثاني يسمى فنجان الضيف.

الفنجان الثالث يسمى فنجان الكيف.

الفنجان الرابع يسمى فنجان السيف.

فنجان الضيف: هو حق لكل ضيف وهو اول فنجان يقدمه المعزب للضيف.

فنجان الكيف: اذا ما هز فنجانه الاول الي هو فنجان الضيف بنجيبله فنجان الكيف.

فنجان السيف: اذا ما هز فنجانه الثاني الي هو فنجان الكيف بنجيبله فنجان السيف.

فنجان السيف وهون بتعمل مسؤولية الدفاع عن العشيرة أو القبيلة في حال تعرضها للغزو وهو موجود / يعني بصير واحد منهم.

فنجان الجاهة:

بنصب لكبير الجاهة وبنحط قدامه بس يسمحو له بشرب الفنجان، بنغيرو لفنجان جديد وكأنه العرب يقولوا ( فنجانكم ما يبرد) دليل على كرمهم وسرعة تلبية الطلب.

فنجان الفارس:

بنصبه في حالة حاجة العشيرة الى فارس ينفذ مهمه صعبة، فيقولوا هذا فنجان  فلان  (اسم العدو) الي يشربه لازم يغامر لينفذ طلبه.

*يقدم الفنجان باليد اليمنى والبكرج باليد اليسرى، وكمية القهوة التي تنصب بالفنجان ما تزيد عن ربع الفنجان.