البحابيث:

اكلة شتوية تعطي طاقة للجسم ودفئ.

المواد:

طحين اسمر، حمص، عدس، دجاج، رب بندورة، بصل، بهارات، سميد، برغل، مصفاية طقطوقة.

طريقة العمل:

ننقع السميد لمدة ساعتين حتى تنفش( تصير طرية) وبنحط البرغل المنقوع في صحن كبير صينية عميقة ( لقن عجين) ويرش عليها طحين بكمية كويسة.

 ثم يرش الماء باليد الثانية وبضل نفتل تي تصير كرات بحجم حبة العدس الكبيرة ومتساوية الحجم

وبالنهاية بنحط كمية كويسة في الطقطوقة ( مصفاية تكون متناسبة مع حجم الطنجرة) وحسب الكمية المطلوبة.

شراب البحابيث:

بنشرح البصل وبنحطه على جنب، وبنحط الحمص قبل بيوم  بالمي وبعدين بنطبخه حتى يستوي وبنحطه بالطنجرة مع الدجاج المقطع وبنحط البصل وكمية من زيت الزيتون مع البهارات

 ثم مع قليل من العدس وشوية رب البندورة ( الدبس) وبنحطه على النار وفوقه الطقطوقة وبنطين عليها بالمنطقة الي بين الطنجرة والطقطوقة بالعجين عشان ما يطلع البخار بره الطنجرة والطقطوقة.