لما بصير عمر المولود او البنت اسبوع بتكون الام محضرة حالها وبيتها ومنظفة بيتها وبتكون مجهزة ضيافتها تعمل المطبقات وهي علب بزينوها بالألعاب الصغيرة واكياس من تل ونحط فيها الشوكولا واللوز الحلو والملبس وبنزينهم بالالعاب والشبر وبنحضر القرفة والجوز والكراوية وبنعزم الناس انو يجوا عند الام علشان يباركولها ويشوفوا المولود الجديد وبقدموا الهدايا او النقوط المصاري وبتكون الهدايا اما اواعي للمولود او اواعي للأم وممكن تكون الهدايا تعليقات ذهب مكتوب عليها آية الكرسي او اسم الله وبتوزع الام المطبقات على الناس وبتضيفهم قرفة وجوز وكراوية والمطبقات بتكون ذكرى ليوم ولادة المولود وعلى اسبوعية المولود بتحلق شعر المولود وبتوزن شعره على ميزان غرام وبوزنهم بطلع ابو المولود ذهب وبسعر الذهب بنطلع بدالو مصاري وبنوزعه على الفقراء وهاي الامور بتم لما بصير عمر المولود اسبوع.