لما كانت المراة تولد المولود او المولوده كانوا يسمو الطفل حسب الحدث مثال كانت الواحده تولد يوم يكون ثلج يسموا المولده ثلجه وبالعكس اذا كان ذكر بسمه ثلج او كانت الدنيا بترعد بسموه رعد او كان في بالحارة هوشه بسموا البنت هوشه وهاي هيك كانت الاسماء اما اليوم كثير اختلفت الاسماء اصبحوا الناس في تطور صاروا الناس بسموا اسماء مقبولة والاسماء المقبولة لفظاً ومعنى كمان احنا بنمسي اصغر مولود في العائلة اخر العنقود ومعناها انه احنا مش رايحين انخلف غيره في مرات بحكوا لواحد من الاولاد انت زي " تريد العش" معناها انه قر اي اسكت لا تكون كثير الحركة .بعدين احنا مرات بنحب انسمي اولادنا على اسماء ابأنا او امهاتنا اولاً محبه في الوالدين وعلشان ناخذ رضاهم وكمان باعتقادنا انه اللي بسمي اولاده على اسماء امه او ابوه يعتقهم من النار