حاله بتصيب المراة الحامل وبتبلش المراة تتوحم من بعد الشهر الثالث لحتى الشهر الرابع وفي بعض الحالات ممكن تضل طول فترة الولادة وفي مرحلة الوحام بصير في تغير على تصرفات المراة ونفسيتها وبالعادة يكون التغير في اشتهاء الاكل وتشتهي المراة الحامل اكل موجود عندها بالبيت او اي نوع اكل من الاكلات الغريبه. واكيد اذا ما حدا جابله يلي بدها اياه ممكن ياثر على جنب وتظهر عليه الوحمه يعني اذا اشتهت نوع من الفواكه مثل الفراوله مثلاً وحكت جسمها بمكان معين رح ييجي الطفل عليه وحمه بنفس المكان الي حكت عليه بجسمها يعني اذا حكت ايدها بتجي الوحمة على ايده وطبعاً اغلب النسوان يتوحموا على شغلات مش بموسمها مثل البطيخ بالشتاء او يتوحموا على اكل صابون او اي شي غريب. وبعض النسوان يكون الوحام عندها مش على اكل يكون على عادة او تصرف معين مثل تنظيف الاسنان مثلاً بتكون المراة كل شوي بقوم تنظف اسنانها بس طبعاً جوزها وكل الحواليها بحاولوا يعطوها عناية خاصه ومن اكثر الشغلات الغريبة يلي ممكن بتصير للمراه الحامل انها تكره زوجها وهو بالبيت ونشتاقله وهو غايب وممكن اذا لبمراة الحامل عجبها شكل حدا قدامها بيجي المولود شبيه لهذا الشخص عشان هيك ببعدو  المراة الحامل عن الحيوانات والاشخاص المشوهين.