هاي اواعي نلبسها لما يتوفى الزلمه ويكون لونها اسود واللون الاسود بعبر عن الحزن على الميت وهي أما عبايه أو فستان أو جلباب بس لازم يكون لونه اسود والفتره الي بتضل النسوان لابسيين اللون الاسود بتختلف من ناس لناس في ناس بتلبس الاسود بأول ثلاث أيام وفي ناس لشهر وفي ناس لاربعين يوم والي بلبسوا اللون الاسود حداد على الميت هم المقربين من الميت زي امه او اخته او مرته عشان هدول اقرب ناس للميت ولبس الاسود بس النسوان بلبسوه أما الزلام لأ وبضلوا لابسين الاسود من أول النهار لأخره ما بشلحوه الا للنوم وهاي من العادات الي احنا بنعملها لما يموت عنا حد مقرب بالعيله لانها عاده اخذناها عن اجدادنا انها تدل على الحزن واليأس لانو اللون الاسود هيك بدل وهاي العاده كل ما لها بتتناقص عند الناس حتى انها صارت شبه معدومه عند بعض الناس يعني مش منتشره زي زمان