اهل العريس بستأجروا سيارات او الي بكون عندو سياره بطلعوا فيها بنفس يوم العرس من بيت العريس والناس الي بتطلع اهل العريس زي عمامو واخوانو واخواتوا وخواله وكل قرايبو الي يكونوا معزومين على العرس بتجمعوا مع بعض عند بيت العريس وبطلعوا من هناك فارده لبيت العروس وعلى الطريق بكونوا بغنوا للعرسان لحد ما يصلوا بيت العروس ولما يصلو بيت العروس بفوت ابو العريس وعمامو وخوالو وكبار العيله يشربوا قهوة عند بيت اهل العروس وبعدها بطلعو العروس من البيت للسياره مع العريس وبروحو من بيت العروس للصالة بتكون سيارة العرسان بالأول وراها بتكون الفارده الي هي سيارات القرايب من جهة العريس او من جهة العروس والفارده بتعبر عن فرحة القرايب كلهم بهاي المناسبه وبتعبر عن حبهم للعرسان لانو العرسان بفرحوا لما يشوفوا انو الفارده تكون وراهم كبيره وانو كل قرايبهم موجودين بالفارده