انه قبل ماالبنت تطلع على الصالون ابتتحمم ويكون الدار مليئه اهلها جماعتها يكونوا موجودين كلياتهم هوني من نسوان بغنولها وبرقصولها وبرقصوها بفوتوها على الحمام ام العروس أو خالة العروس أو ست العروس وبتشلح ذبلتها أو خاتمها أو حلقها الذهب وهي اكثر شيء بتجيبي الذبله أو الخاتم بتنحط بلمي تبعت حمامها منرش عليها الورد بمية الحمام تاعت العروس.   ولعروس ما ابتقعد بلحمام اصلاً يعني العروس ما ابتتحمم بلحمام البنت بتتحمم بصالون البيت او وسط البيت انلبسها اهدومها ونحممها بلكردور منولع شمعتين تحتها ومنقعد البنت على الكرسي وشمعه تحت الكرسي ومنغنيلها للبنت ومن هاي الاغاني "غاليه يا غاليه خدامينك الثمانيه 4 يجيبوا اللحمه و 4 بجيبوا الباميه"  "ست العرايس ست العرايس زفوا العروس مبروك عليكي يا معجبالي " كل هاي الاغاني تغنى والبنت ابتتحمم.و بصير تحطخاتم ناس تانين بلمي وبنحط كمان معلقة سكر في مية العروس عشان انو تكون كل ايامها حلوه  ولميه ال ابتبقى من العروس بتحب اي وحده انها تتحمم عنها وحده عشان بدها تتزوج وكان فاتيها الزواج ابتتحمم فيها وعنا العروس لما اتروح على دار الحمىأول ما اتفوت دار حماها بمسكوها عجينه فيها ورده وبتخبطها على الحيطه انو العجينه لزقة بقلب الحيطه ومسكت فيها هاي الكنه ابتصمد ولعجينه ان ما لزقت العروس ما ابتصمد خلال 3 او 4 اشهر وان مرت سنه بتكون مطلقه ولم اتفوت بكون في ابريق مي (سكر ومي)وبصبوها على رجلهااليمين وقالوا ادعس على العتبه وحطو بيضتين على العتبه ودعسه عليهم تحت رجلي ولم فتت جوا باقي المي ال دوبوها بقلب لبريق الزجاج وصبوها بكاستين وقالولي يالله اشربي.   هاي من طبع الخلايله