عقد قران او عقد زواج كانت تيجي ام العريس وتنقد العروس وتشوفها بس تتفق ام العريس مع ام العروس بيجي اهل العريس  والعريس ليشوفوا العروس وبس يتفقو على كل اشي بعد هيك الجاهه بيقطعوا القيد"المهر" وبعد هيك بقرأو الفاتحه وبتزغرت النسوان مثل "أويها يا ريتك مباركه أويها سبع باركات اويها كما بارك محمد على جبل عرفات"  وبعد الاتفاق بيجو يكتبو الكتاب وبيجو ذبايح وبطبخوها اهل العريس وكانت اقل اشي تكون 3 ذبايح ويجيب المأذون وهو مأذون القريه بيكتب الكتاب وبعدين يعملو الحفله وبيعملوا حبل مودع "هو دخول الرجال على النسوان في الحفلة" بعدين بيجي العريس بلبس الذهب والذبل وبعد هيك بروحو اهل العريس وبعد اسبوع من الخطبه تيجي ام العريس والعريس زياره للعروس وتجيب ام العريس شنته فيها اواعي داخليه وقطعة قماش واشار وبشكير وكندره وجربان والمكسي والثوب وهاي اسمها (شنطة الخطبه).