اول شي بصير هاي العاده لما الشب بحب بنت وهي ما بتحبه ويتوجه له الاهانات اذا طلب منها الزواج وممكن توجهله عبارات قاسيه يجرح مشاعره مثل انها تحكيلوا "لا تمد ايديك الى ثمره لا تستحقها" . وفي هاي الحاله يكون الشب بدو يدافع عن كرامته ويصر على خطفها مهما كلفه الثمن. وبطلب من صحابه يساعدوه بخطفها بالفرصة المناسبة يا بليل او بالنهار ولما يخطفوها يخلوها عند عيله بتكون قادره على انهم يديروبالهم عليها ويحموها وعشان أهلها ما يقدروا يأخذوها واذا أهلها أخذوها بتكون عار وعيب على العيله الي ضلت البنت عندهم وبحمايتهم.  وممكن نعيد خلافات بين اهل العريس والعائله يلي عندهم البنت وبين اهل البنت والعائلة المضيفهوبيدخل عدد كبير من الوسطاء المحايدين وكلما زاد رفض الاهل "الفتاه" يزيد عدد الوسطاء بينهم .واذا طولت المشاكل بتنتقل البنت لبيت حدا ثاني عشان ما يلاحقوها اهلها وممكن المخطوفه تتعرض لاذى والضغط وممكن تمرض وتتعب وممكن الخلاف يوصل لاستعمال الاسلحة وبوقتها البنت بتضطر توافق عشان تحط حد للمشاكل بين اهلها واهله