إلها قيمة عالية ومعنوية عنا بالمجتمع، والدبلة احنا بنستخدمها وبنلبسها أول ما يرتبط الشب بالبنت، وبعد كتب الكتاب بتعمل عيلة البنت حفلة بالبيت أو بالصالة، وتعتبر حفلة خطبة بدخل الشب عند النسوان وبتبلش الزغاريت والمباوسة من أهل الشب للشب وبعدها بغنوله شوي، وبلبس الشب البنت الدبلة بإيدها اليمين هيك يعني إنها البنت خاطبة وبتكون الدبلة ذهب، وبتلبس البنت الشب دبلته بإيده اليمين كمان وبتكون دبلة الشب من الفضة، وبخلال فترة بتكون الدبلة لابسينها الشب والبنت بايديهم اليمين، واحنا المسلمين بنخالف اليهود والمسيحية بانو دبلة الشب بتكون من فضة لأنه الذهب حرام على الزلام، أما هم عندهم عادي لو لبس الشب الذهب وتضل الدبلة باليد اليمين لحتى يعملوا حفلة الزواج " الزفاف" وبحفلة الزفاف لما يلبس العريس العروس الذهب بشيل الدبلة من إيدها اليمين وبلبسها اياها بايدها الشمال، ونفس الشي بتعمل البنت بتحط الدبلة بايدو الشمال يعني: هيك صاروا متزوجين، وهاي عادة عنا احنا أخذناها من أجدادنا وتوارثناها جيل بعد جيل وما صار عليها أي تغير أو تبديل بطريقة استخدام الدبلة.