هو حسب مفهومنا انهاء الحياة والصلة والرابط الي يجمع بين الشب والبنت، والطلاق طبعاً بكون برضا من الطرفين أو بطلب أحد من الطرفين والطلاق بكون ناتج عن عدم الاتفاق على أمور اجتماعية أو فكرية، يعني كل واحد تفكيره مختلف عن الثاني وهاذا بسوي مشاكل بينهم، وممكن يكون كمان عيب خلقي في الرجل أو المرأة خاصة اذا كان يأثر على العلاقة الزوجية، وكمان ما بكون في ثقافة كافية بين الشب والبنت في طبيعة الحياة الزوجية، ومهام كل من الطرفين، ومن أسباب تدخل اطراف خارجية في حياتهم مثل والدين الزوج أو الزوجة، وكل هاذا يؤدي إلى الطلاق بس الطلاق مش دائماً يعتبر سيء، في بعض مواقف يعتبر الطلاق من أفضل الامور وبكون افضل للطرفين، والطلاق بتم انه يتلفظ الرجل أو يكتب لفظ لزوجته بالطلاق، والطلاق إما يكون بشكل مباشر بأنه يتلفظ بكلمة الطلاق، وممكن يكون بشكل غير مباشر مثل التعامل بشرط انه يكون بنية الطلاق، والطلاق انتشر بشكل كبير وأكثر من زمان، والطلاق احنا بنعتبره كمنفذ للخروج من الظلم إذا كان صادر من أحد الطرفين.