بمعناها عنا بالمجتمع والمتعارف عليه أنه التأخر في الزواج وبلوغ الشب أو البنت عمر معين دون أن يسبق لهم الزواج، ومش شرط أنه تكون العنوسة عند البنات بس، هي موجودة عند الشباب كمان، لأنه إذا وصلت البنت لعمر معين تعتبر عانس، لأنه نظرة المجتمع إلها على إنها كبيرة بالعمر، وتتراوح سن العنوسة عنا للبنت بعد سن الثلاثين، والعنوسة إلها أكثر من سبب زي ارتفاع المهور، وتكاليف الزواج الي بتخلي الشب بعجز عن توفرها، ومن أسبابها كمان تأخير كثير من الشباب أو البنات زواجهم عشان يكملوا دراستهم، أو أنهم بحسنوا مستوى المعيشة تاعهم، ومن أسباب العنوسة كمان، اختلاف المستوى الثقافي أو المادي بين الشباب أو البنات، وهاي انتشرت كثير في وقتنا الحالي خاصة أنه كثير من البنات المتعلمات وحاصلات على شهادات ودراسات عليا، برغبوا في زواج بمستواهم الثقافي، وممكن ما يكون متوفر وعنا اصبح موضوع العنوسة كبير كثير لانو آخر احصائية في الأردن بدل على أنه اكثر من 100 ألف امرأة بلغت عمر العنوسة، وهاي تعتبر مصيبة لأنها بتعمل على عدم استقرار نفس الشب أو البنت، وقد تعمل على انتشار الفاحشة في المجتمع.