أصاويها بطريقة يجوز تشبه الناس إلي يعملوها أو تختلف، المهم أشتري الزبدة تكون بلدية بعدها أحطها على الغاز وأتركها بس لما أحس بلشت تغلي أحط بالزبدة إلي على الغز رز منقوع أكون ناقع رز قبل ما أحط الزبدة على الغاز.

ويكون الرز مقدار عادي لأن الر ز يصفي حموضة الزبدة وفي ناس تحط برغل بس أنا الرز من الموجود، لما أحط الرز بالزبدة داخلها وتغلى أحط الحواجة إلي أعملها على إيدي وقلتلك طريقته بس لازم أحط كركم مطحون مع حواجة لأن الحواجة تعطي نكهة زاكية للسمن.

الحواجة هي: بهارات المنسف نفسها، بعدها لما تغلي أطفي النار وأصفيها بمرتبانات، والرز طبعا يتصفى للحاله ما نحطه السمنة بالمرتبانات، والرز عادي يتاكل ويكون مستوي، إذا كان مستوي بعرف السمنة شغلها صح، لازم قبل ما أعمل السمن أحكي لاهل الدار إلي عنجي ما يحكو ولا حدا يدخل المطبخ عندي يعنى سكوت، ولا همسة بالدار لانو تروح البركة من الدار.

طبعا السمنة إلها نكهة تختلف عندي لما أصاويها بالنار وطعمها أحسو زاكي، وبعدها صحتين وعافية على قلوبكو.