بعد انتهاء العزاء، وانتهاء كل شيء يرافقه، هناك عادة أول جمعة تمر على الميت، أو كما يقول البعض الجمعة الأولى وتتسم بـ:

يطلعوا أهل الميت بأول جمعة بعد ما يخلص العزاء على المقبرة من الصبح، وهناك بيجي المعارف القراب أو القرايب بشكل عام اللي بعزوا على أهل الميت، طبعاً بيجوا بدون عزيمة، وبلاقوا بعضهم عند قبر المرحوم، وبكونوا أهل الميت مجهزين قهوة سادة وبسقوها للموجودين، وطبعاً كل واحد بيجي له شوية يقرا قرآن على روح المرحوم، وبعدين بيجي ابن الميت الكبير بعزم على الغداء بداره، ومش الكل بروح على الغداء.

طبعاً بكونوا أهل الميت مجهزين الغداء، لأنهم بكونوا حاسبين حسابهم لهاظ الاشي، وعلى الأغلب بكونوا طابخين مناسف للضيوف، وبعد ما بتغدوا الضيوف يقعدوا لهم شوي وبروحوا.

أكيد بتيجي هاي العادة من باب مؤانسة أهل الميت، وتذكرهم بأنه الميت كان عزيز عليهم، عشان هيك ما رح ينسوا أهله.