***

هي أكلة شعبية عرفت في قديم الزمان وما زالت إلى الآن، وهي تنتشر في جميع مناطق البلقاء، وهي مهمة لكونها تحضر مع وجبة الفطور، وممكن عمل حلويات منها مثل المبروشة.

وفيه نوعان من المربى 1. المربى التين العادي. 2. مربى التين المجفف

المكونات: التين العادي: كيلو من التين الطازج  2. كيلو من السكر 3. (4-5) أكواب مي 4. ملعقة صغيرة ملح ليمون. 4-5 عيدان قرفة. 3-4 قطع مستكة مطحونة، وأكواب من مي كليسة.

ملاحظة: لما نطحن المستكة بنضيف ملعقة سكر مع المستكة، ونطحن مربى التين المجفف: كيلو من تين مجفف، كيلو سكر، 4 أكواب مي و 4 عيدان قرفة، ومعلقة ملح ليمون، وملعقة حبوب يانسون، وكوب من حب السمسم محمص.

الطريقة:

بنحط 500 غرام من كلس مش محروق في وعاء وبنحط عليه 12 كوباً مي وبنتركه للصبح، ثاني يوم نصفي المي ونحفظها في وعاء وننقع فيها حبات التين لفترة ساعتين إلى ثلاثة ساعات، وبنقوم بغلي السكر والماء والملح والليمون لما يصير مزيج السكر (القطر) جاهز، بنطلع حبات التين من المي ونغسلها شوي شوي بالمي الباردة أكثر من مرة حتى يروح الكلس عنها.

بعدين بنقط حبات التين في القطر المغلي ونغليه على الغاز حتى يصير القطر كثيفاً بما فيه الكفاية، وبعدين بنضيف عليه حبوب السمسم والقرفة والمستكة وبنحرك المزيج وبنتركه حتى يبرد، وبنحطه في مرطبانات .

طريقة تحضير التين المجفف:

بنغلي السكر مع المي وبنحط عليها ملح ليمون، بعدين بنسكب مزيج السكر (القطر) على التين، وبنحط عليه قرفة ونحرك كويس، ثم يغلي حتى يصبح كثيفاً، نختبر القطر عن طريق بنحط ملعقة طعام من القطر في طبق  ونتأكد إنه ما فيه مي كثير، وبعدين بنحط سمسم محمص وحبوب يانسون ونحركه شوي شوي  ونتركه حتى يبرد، ونحطه في مرطبانات.

***

 المكونات: تين, سكر, ماء.

نقوم باختيار حبات التين الناضجة الطرية, توضع في طنجرة ويضاف إليها سكر وماء, (تترك حبات التين صامدة كما هي أو تقسم قسمين باليد) نستمر بالتحريك, إلى أن ينضج، ويترك إلى أن يبرد، ثم يوضع في مرطبان ويغطى بطبقة زيت للحماية، ويحفظ في مكان جيد التهوية.