أكله شعبية مصرية من آلاف السنين، وبعدها انتقلت إلى السودان وبلاد الشام، كلمة فول كلمه مصرية قديمة، وكلمة مدمس كلمه قبطية معناها المطمور (المطبوخ تحت الأرض)، وحسب ما ذكر التاريخ أن المصريين كانوا يشمئزوا من الفول، وليس له ذكر، لكن أصبحت الأكلة الشعبية المهمة في مصر للفقير والغني.

بنجيب الفول قبل بليلة، وبنقيه وبنقعه، وثاني يوم الصبح بنسلقه لما يستوي، بنصفيه من ميته وبنخليها على جنب ما بنكبها لأنا نرجع نستعملها، وبنحط الفول حب بجاط وبندقه بمدقة الخشب، بنخليه خشن شوي طعمه (أزكى)، وبعد ما ندق الفول بنقشر سنين ثومه وبندقهن مليح مع ملح على جنب، وبنديرهن على الفول وبنسوي تتبيلة خاصة بالفول مكونة من راس بصل زغير بنفرمه فرمة ناعمة، مع زر بندورة كبير جامد أو حسب الطلب وبنفرمه ناعم، وبنخلط البصل والبندورة بالزيت والليمون، وبنحط شوية من مية السلق حسب إذا بدنا يكون الفول جامد أو مرق وبنديرهن بصحن غميق على جاط الفول.

وممكن نحط عليه طحينية، بنذوب الطحينية بالليمون بجاط، وبعدين بنحط فوقها الفول المدقوق، وبعدها التتبيلة من غير ليمون أو حسب الطلب، وبنقدمه للفطور.