هي أكلة شعبية قديمة، عرفت في قديم الزمان وما زالت إلى الآن، وتنتشر في مناطق البلقاء، وهي مهمة لأنها تعتبر وجبة أساسية، وهي كثير زاكية وكثير بفضلوها السلطية.

المكونات: كيلو فول أخضر, رز منقوع, جميد نمرسه, مي مغلية, بصلة صغيرة, ملح, 2معلقة سمنة بلدي, 2سن ثوم مفروم حسب الرغبة (اللي ما بحبة ما بحطه), زيت زيتون, لحمة, رشة كركم.

طريقة التحضير: أول شي نمرس الجميد، وبعد هيك نحطه في الطنجرة ونحركه كويس حتى يغلي، وبعد ما يغلي بنخلي النار متوسطة ويحرك لمدة 5 دقائق، وبعدين يضاف إليه الكركم وشوية ملح، وفي هذه الأثناء نكون قد فرمنا بصلة والثوم حسب الرغبة في طنجرة أخرى، وحطينا عليها القليل من زيت الزيتون والملح، ونحطها على الغاز ونحركها كويس حتى يصير لونها أشقر، وبعدها بنحط عليها اللحمة مقطعة قطع متوسطة الحجم، ونقلبها كويس، وبعدين بنحط 3 أكواب من الماء المغلي والملح وتترك حتى تستوي، وفي هذه الأثناء نقلي الفول مع الزيت، وبعد قليه بنحط عليه اللحمة حتى يغلي معها، ثم نضع معلقتين من السمنة البلدية في الطنجرة على الطبخة.