أول شي بنحضر الحشوة، بننقع الرز نص ساعة، بعد ما ينقع نص ساعة بنصفيه، بعد ما نصفيه بنحط فوقه اللحمة وشوية من السمنة أو الزيت مع فلفل أسود وبهارات وملح، وبعدين بنحفر الكوسا بالمنقرة، وبعد ما نحفرها بنغسلها، وبنسلق ورق الدوالي، بعد هيك بنحشي الكوسا باليد، بعد ما نحشي الكوسا بنحطها بالطنجرة، بعد هيك بنبلش نلف ورق الدوالي، بنجيب الورقة وبنفردها على كفة اليد وبنحط من الحشوة على الورقة وبعدين بنلفها وبنحطها بالطنجرة بالترتيب، بعد ما نكمل لف ورق الدوالي نحطه فوق الكوسا وبنحط عليه ماء وملح وبنحطه على النار ساعة ونص، وبعدين بنحطه في سدر ويقدم للأكل.