تتكون من الأعشاب البرية، يمكن الحصول على هاي الأعشاب من البساتين حيث تنبت بالطبيعة، الحندقوق هو أهم شي بالحواجة، بنلقطه وبنقبه وبنظفه وبنشفه، والسمينة كمان بنقبها وبنظفها، وزهرة الفجل والزعتر الفارسي (البري) كمان بنقبه وبنظفه، ونضيف الورس (كركم) والحلبة المحمصة، نطحنهم كلهم بخلاط الكهرباء مع بعض، أقل شي بنحط من الفجل وأكثر شي بنحط من الحندقوق، كانوا زمان يدقوها بالهاون النحاس بشبه مدقة الخشب، تستعمل الحواجة لتقشيد السمنة، وكثير من الطبخات، وأهمها المنسف، ممكن نشتري كل هاي المواد من عند العطار ونعملها بالبيت.