هي نوع من أنواع الأكلات الشعبية، وهي كثيرة الدسم، ومنتشرة في جميع مناطق البلقاء.

الطريقة:

الزبدة لما يطلعوها من الشكوة (السعن) بيجوبوها ويرشو عليها مي حتى ما يظل عليها لبن، ونجيب الزبدة يلي جمعوها وبنحطها بطاسة (طنجرة) على الغاز لما تذوب، وبنقطف كل شوي بالمخشاقة (الملعقة) اللبن يلي على وجهها، وهي الرغوة يلي بتطلع من ذوبان الزبدة.

وبعدين بنصفيها من الشعر، أو إذا فيها شوائب بشاشة بيضا، أو أي قطعة قماش نظيفة، وبنرجع وبنحطها بطنجرة ثانية على نار، وبنحط عليها حندقوق وعصفر وحلبة، ونخليها تغلي على النار، وبنجرش جريشة قمح وبنحطها فوق الزبدة الذايبة، ولما تغلي وجريشة القمح بتستوي بنصفي السمنة، وبعدين بنزلها بشاشة بسيطة لعزل السمن عن القشدة.