أول شي بنقطع الجزر مربعات صغيرة، وبنحط الجزر والبازيلاء بطنجرة وبنسلق الخضروات مع الماء ومكعب ماجي والبهارات حتى تستوي، وبعدين بنحط الدجاج المقطع والمنظف بطنجرة على الغاز مع الملح والفلفل الأسود والبهارات لمدة ساعة، وبعد استواء الدجاج بنصفيه من ماء السلق وبنحمره ونصفه على جنب، وبعد هيك نضع على الغاز قلاية وبنحط فيها قليل من الزيت فوق اللحمة الناعمة، وبنحرك حتى تستوي مع الزيت، ونخلط اللحمة مع البازيلاء والجزر في وعاء على جنب للتزيين، وكمان بننقع الأرز لمدة نصف ساعة وبنصفيه، وبنحط على الغاز طنجرة فيها مية ومغليها مع الفلفل  الأسود والبهارات، وبعد ما تغلي بنحط الأرز حتى يستوي وبنقدمه بزيت، آخر شي بنجيب جاط بنحط فيه الأرز وبنفرده، وبعدين بنحط فوق الأرز الدجاج المحمر، وبعدين بنزين الدجاج والأرز بالبازيلاء والجزر واللحمة المفرومة على وجه الصدر، وبنرش على الوجه الصنوبر واللوز، ويقدم للضيوف، ويؤكل باليد أو بالمعلقة حسب الرغبة.