ما كــــل مـــن يركب الخيل خيال

ولا كــــل خيل تعجبك هي أصيلة

ولا كل من يعجبك هرجه برجــال

بعـــض العرب جلسوا وايده بخيلة

الكل يلبس ثوب وشماغ وعقــــال

 وعنـــــد اللزوم أفعالهم هي قليلة

الرجال تثبت له أقاويل بأفعــــال

لا قــــال شـــي ونظره هو دليلة

والرجل لا شفته مع القيـل والقــال

قـــول الصدق يا ولد هرجة جميلة

واللي شراك اشريه لو كان بالمـــــال

وخلك كما سيــــوف تبارق صليله

واصبر ترى الدنيا بهـــا أحــــوال

خلــــك معـــه وإن مال دور بديله

وبعد الكدر تشرب صفا عذب وزلال

وما كــــل شي صافي تشوفه يجي له

 وصاحب خليل لو جف الوقت ما مالْ

هـــــذا الزمـــن فيه استقامة وميله

واقفل على سرك بكتمان وأقفــــالْ

تــــرى الرجل ينعرف بقيمة خليله

وذلك آمين إذا توليت الأعمـــال

بعــــض العرب يسمع وينوي كيله

الشاعر: مسلم النعيمات