الخان: (بحضروا التراب الخالي من الحجارة الكبيرة، وبحطوا عليه التبن وهو قش صغير، وبعجنوا بمي ويتخمر ليله، وبعد ليلة بنجيب قوالب على شكل مربع بنحط بيه طينة معجونة وبنساوي لبن مثل طوب هاي الأيام، وبنعمل لبنات حسب الخان اللي بنبنيه وبنخلص، بعد أسبوع حتى تنشف أو عشرة أيام وبنحدد الساس، بالحفر، وبنحط الطين بالساس اللي حفرناه، وبنبي اللبن، وبين لبنة ولبنة بنحط الطين، لما نجهزوه، وبعدها ظهره من فوق، بجيبوا قصيب وبحبكوه العود بجنب العود حبك، أي ملصق مع بعضة البعض، وبنحطوا تحت القصب خشب من المور، وبس بجهزوه يعجنوا الطين مع التبن مرة ثانية، وثاني يوم بعد ما يخمر بنطينوا فوق القصب، وتكون رقيقة، وبعد أسبوع بنطينوا طينة ثانية هو عشان بالشتوية ما تتسرب المي، وبنعمل فيه فتحات "طاقات" من الخلف للتهوية، وبنعمل أبواب اثنين سعة الواحد 3م عشان أوسع للحلال بالشتاء إذا كان للحلال، وإذا كان لتخزين محصول الشعير والقمح نتساويله باب صغير واحد).