علي سحيمان الهقيش *

اعشقْ سكونَ الباديهْ في دجى الليل

أطربْ لها من غايةِ النفسْ ولها

بفياضها شوقي وكلّ المراسيل

عطر(ن) يناجي في خفوقي أملها

فيها ايطيب الكيف اليْ والتعاليل

انسا بَها حزنَ السنينْ ومللها

عندي صحاريها مثل شاطئ النيل

بيت الشعر عندي يعادل فللها

ريح الشجر في وادي(ن) جرّه السيل

ينعش نفوسٍ شاكيهْ من زملها

يا ما حلا السجه بهاك المداهيل

أخيْرْ من وَرد الحدايقْ نِفلها

تلقى بها عفّةْ نفوس الرجاجيل

اللي تبيع ارواحها من خجلها

صدق المشاعر ما بها أي تمثيل

أهل الوفا تمشي عــــَ ممشا أهلها

متوارثين الطيب جيلٍ بعد جيل

صاروا لْجزْلات المكارمْ مِثلها

هيلَ الدلالْ اللي بْها البن والهيل

ما قلّطت منظر لمنهو جهلها

ايقلطونَه للرجال المِشاكيل

ناس(ن) تقدّرْ قيمته وتْعَمِلها

هاذي طباع البادية دونْ تحليل

صدقْ وشرفْ واخلاصْ ربّي كفلها

شوقي لها ما يِنوِصفْ بالتماثيل

كل الشعر لو ينكتب ما شملها

ديرة هَلي ديرة هلَ السيفْ والخيلْ

اللي رقوا بالمجد قمة جبلها

أخصّْ كل البادية دون تفصيل

حتى الذي ركب الحضارة وصلها

على الشرف عاشوا رغم شحّة الكيل

يوم الردي بيبان بيته قفلها

هاذا هلي يا مْجَمْلَ الخدّ تجميل

يلي عيونك تشتكي من ذبلها

انا اردني يا جاهله بالرجاجيل

من ديرة سيف الهواشم عدلها

انا اردني رغم اختلاف العواذيل

يعز نفسه دايم(ن) ما خذلها

ماني بعابر نازلٍ يوم ويشيل

جدي قبل جدك بناها ونزلها

وكنه غريبة شوفتك للمناديل

ما هي غريبة عند منهو حملها

هندامنا يا بنت طيب المعاميل

صورهْ تشرّفْ كل شخص(ن ) نقلها

ما كل يوم(ن) له كيافهْ وتفصيل

بالعز خيّاط الملابس غزلها

وتاريخنا يشهدْ على كل ما قيل

تشهد لنا كل الشعوب ودولها

يا بنت لا يغويك كثر التشاكيل

الفرق واضح بين قمح وقصلها

يقولها من فعّل القاف تفعيل

شاعر واقدّي هَرجْتي عن زللها

عندي فكرْ واسعْ وعندي مداخيل

اميّزْ دروب الوَعَر من سهلها

يا سامع(ن) ما قلت مجبور للقيل

من كلمة يجهل بها من سألها

حبيت اوضّحها لناس(ن) مجاهيل

ان البدو أصل الحضارة وأهلها