رصيفك هشّ

صالح الهقيش·

                رصيفك هش توجعه الخطى يا شارع النسيان

                                          رصيفك وحشة انفاس المفارق تسـكن ظلاله

               أمرّك وانت تسرق دمعتي من واحــة الاجفان

                                         خجلت اضحك وانا حلمي ظروف الوقت تغتاله

تعــدن عـــشر للرحله وانا المركب وانا الربان

                         تـعبـت آعيـش باوراقي وانا اللي طـال مـواله

أغني للظما تنبت على شفاهي جروح اوطان

                        واغنـي للأمل يـبخل علـى الـخفـاق بـوصـاله

تعـب (سيزيف)يسكن بي ويتعبني كثير احيان

                        واشوف اني قدرت اصبر على الحرمان واشكاله

تعــدى عــمر يا صمــتي كــفايه نخفي التحنان

                       تـعــال نـشـارك الــدنيا ظــروف الـبـوح واحـواله

تــعال وخـذ معـك جـرحي أنا ودي اعيش الان

                        انــا ودي اكــون اول بـشر تســتهجــن افعـاله

بديت الــدرب مـن اول ومن اول شطبت ازمان

                        عشــان آشــوف خفاقي يعيش بجنة آماله