1.أتمسكن حتى أتمكن. 2. تموت الحية و سمها براسها. 3. أتغدى بيه قبل يتعشى بيك. 4. أتعب قدامك و لا تتعب لسانك. 5. اتفق القط و الفار  على خراب الديار. 6. أجا يكحلها عماها. 7.اجبر الولية و نام نومة هنية. 8. الخير بالخير و البادي أكرم و الشر بالشر و البادي أظلم. 9. اللي ما يعرف للصقر يشويه. 10. الفطين ما يحط راسه بالطين. 11. اخرس عاقل و لا ناطق جاهل. 12. الأرض تنقاس بالبشر. 13. لو تركض ركض الوحوش غير رزقك ما تحوش. 14. ازرع قمح تحصد قمح. 15. أسرارك مع جارك. 16. اسأل مجرب و لا تسأل خبير. 17. اشتري و لا تبيع. 18. اسقى تلقى. 19. اسعى يا عبدي و انا اسعى معك. 20. ابن بطنك يقولك بع. 21. الابرة تكسي الناس و هي عريانة. 22. ابن الحرام لا ينام و لا يخلي غيره ينام. 23. الأجاويد عند مطراهم. 24. بدلت غزلانها بقرود. 25. اقلع ضرسه و لا نخرج قرشه. 26. اقععد جيعان و لا تطلب منان. 27. الله يجازي الاسباب الي خلتني ادق هذا الباب. 28. زي النار تاكل و لا تشبع و تأخذ ما تشفع. 29. القرد في عين أمه غزال. 30. قد النملة و تعمل أكبر عملة. 31. وجهك حلو علينا. 32. حبل الكذب قصير. 33. عذر أقبح من ذنب. 34. فرخ البط عوام. 35. مش كل مرة تسلم الجرة . 36. لسانك حصانك إن صنته صانك و إن هنته هانك. 37. عصفور باليد خير من عشرة على الشجرة. 38. من راقب الناس مات هماً. 39. من تدخل فيما لا يعنيه لقي ما لايرضيه. 40. الوقت كالسيف إن لم تقطعه قطعك. 41. العجلة من الشيطان. 42. كب الجرة على ثمها البنت تطلع لأمها. 43. الي بيمازح الثعلب بتحمل مخالبه. 44. الي يتعب بيلعب.

· حط في أذن طين و أذن عجين .

· رضيانا بالهم و الهم ما رضي فينا .

· عقلك براسك تعرف خلاصك .

· القرد في عين أمه غزال .

· اتلم المتعوس على خايب الرجا .

· ما يعجبه العجب و لا الصيام في رجب .

· تبدلت غزلانها بقرود .

· البطن بستان يلد أشكال و ألوان .

· جيل دعدع ، يوكل ما يشبع ، و تحاكيه ما يسمع ، و إن راح ما يرجع .

· ضربتين بالراس بتوجع .

· العيب من أهل العيب مو عيب .

· غير نصيبك ما بصيبك .

يوجد أمثال شعبية عن الأخلاق و الناس تتداولها و كل مثل يوجد عليه قصة و هناك مثل عن سوء الأخلاق " الله يلعن العاطل" و قصته أنه في  شخصين ترافقوا عشان يدوروا على شغل كل واحد معه حراب طحين و سعن مي و ترافقوا ، في واحد اسمه (المليح) و واحد اسمه ( العاطل ) ،المليح صار يعجن و يخبز من حرابه و يطعم العاطل و يسقيه من ميته ، و بعد ما خلص طحين و مية المليح ، صار العاطل يعجن و يخبز و ما يرضى يطعم المليح و قله المليح : اطعمني ، ما رضي يطعمه و صار يترجاه شو بدك عشان تطعمني قال العاطل : بدي أقلع عينك عشان أطعمك و قلع عينه و أطعمه و بعدين نشف ريقه بعد ما قلع عينه طلب منه يسقيه مي ما رضي غير يقلع عينه الثانية عشان يسقيه و قلع عينه و أسقاه مي بعدين صار بده يخلص منه لأنه أعمى و بعدين لقى بير مي و رماه فيه و لما وقع الله بعثله شجرة في البير تشبث فيها و هو قاعد بالبير سمع ثلاثة بيتكلموا و هم من الجان ، واحد بيسأل الثاني : انت جوى البير شو بتعمل قال: انا قاعد و الله انا ناطور للشجرة كل أعمى يمضغ من ورق الشجرة بفتح و قال للثاني : انت شو بتعمل هون ، جاوبه الجني : انا قاعد للقلعة الي باب البير واحد بطول قملة من راسه و بقصعها بتفتح و فيها كنوز الرحمن و انت شو بتعمل هون ،قال الثالث : انا قاعد و ضربت بنت الملك و لمستها و كل الحكما ما بعالجوها الا يجيب كبش اسود و بذبحوه و يسلخوه و يخششوها في جلده بتطيب ، اجا الاعمى اكل من ورق الشجرة و رجعله نظره و طلع من البير و راح لبنت الملك و طلب يعالجها و قال الملك اذا عالجتها بجوزك اياها و اذا ما عالجتها بقطع راسك ، و لكن هو سمع شو علاجها عن الخروف ، قام جاب خروف  اسمر و سلخه و لبس بنت الملك و طابت و جوزها الملك اله و راح على القلعة الي عند البير طلع الكنوز الي فيها و صار اغنى من الملك و مرت الايام و صار ملك و بيوم مر العاطل من عند الملك و ناداه من وين انت قال انا من بلاد الفلانية قال الملك احكي الصحيح جيت انت و مين هذه بلادكم بعيدة و ما بتيجي لحالك قال جيت انا و واحد و صار الملك يقرر فيه قال للملك انت كنت معي شو مدريك و في الاخر اعترف للملك و طلب الملك من الخدم انهم يكرموه و يغسلوه و اعطاه ذهب و قال له : ( روح الله يلعنك يا عاطل ) من يومها و الناس تقول الله يلعن العاطل .